DKD kry pak in arbeidsappèlhof in Solidariteit se regstellendeaksiesaak

12 April 2015

 

 

 

Die arbeidsappèlhof in Kaapstad het Vrydag beslis dat die departement van korrektiewe dienste (DKD) nie net die nasionale rassedemografie in die Wes-Kaap mag toepas nie. Die uitspraak is gelewer nadat Solidariteit die DKD namens tien werknemers hof toe geneem het omdat hy net die nasionale rassedemografie wou toepas.

 

“Hierdie uitspraak is ʼn groot oorwinning vir Solidariteit en ʼn groot terugslag vir die staat se beleid om die nasionale rassedemografie oral in Suid-Afrika toe te pas,” het Dirk Hermann, bestuurshoof van Solidariteit gesê.

 

Volgens die uitspraak word die vroeëre arbeidshofuitspraak van regter Hillary Rabkin-Naicker gehandhaaf. Kragtens dié hofbevel mag die DKD nie slegs die nasionale rassedemografie by die aanstelling en bevordering van werknemers in ag neem nie en moet die rassedemografie van die Wes-Kaap ook in aanmerking geneem word.

 

Dirk Groenewald, hoof van Solidariteit se Sentrum vir Billike Arbeidspraktyke, sê die uitspraak bevestig weereens dat die Wet op Diensbillikheid die gebruik van kwotas verbied en dat ’n genuanseerde benadering gevolg moet word wanneer numeriese doelwitte gestel word. Die arbeidsappèlhof het voorts aangedui dat hy nie kan sien hoedat ’n diensbillikheidsplan, wat slegs die nasionale rassedemografie in ag neem, grondwetlik kan wees nie.

 

“Hierdie uitspraak hou verreikende gevolge in vir ander staatsdepartemente soos die Suid-Afrikaanse Polisiediens (SADP) wat ook net die nasionale rassedemografie in ag neem by die maak van aanstellings en die toekenning van bevorderings. Die uitspraak van die arbeidsappèlhof stuur dus ’n duidelike boodskap uit teen die gebruik van die nasionale rassedemografie as die enigste maatstaf, sowel as teen praktyke wat neerkom op enige vorm van ’n kwotastelsel,” sê Groenewald.

 

Hoewel die hof in beginsel Solidariteit se argument steun, het die hof steeds nie individuele regsremedie aan die applikante toegeken nie. Die hof meen daar is nie ’n duidelike bewys dat die lede wel in die genoemde poste aangestel sou word as die DKD die streek se demografie as riglyn gebruik het nie.

 

“Ons stem nie met die hof se standpunt hieroor saam nie aangesien ons lede deur ’n paneel as die mees geskikte kandidate vir die betrokke poste geïdentifiseer is. Ons meen ons lede sou wel aangestel gewees het as dit nie vir die DKD se afdwinging van die nasionale rassedemografie was nie. Ons sal hierdie deel van die uitspraak in die konstitusionele hof betwis,” sê Groenewald.

 

Dié prominente hofsaak teen die DKD het reeds in 2012 begin toe die vakbond ʼn klomp sake oor die DKD se omstrede regstellendeaksieplan gekonsolideer het. Volgens dié plan moet die nasionale rassedemografie in alle posvlakke weerspieël word ongeag die profiel van die provinsie of streek. Bruin Suid-Afrikaners maak sowat 51% van die ekonomies aktiewe bevolking van die Wes-Kaap uit, en in talle spesifieke streke nog meer, terwyl hulle op nasionale vlak slegs sowat 8,8% van die totale bevolking uitmaak.

 

Dirk Hermann

Bestuurshoof: Solidariteit

 

 

Dirk Groenewald

Hoof: Sentrum vir Billike Arbeidspraktyke, Solidariteit

 

 

Solidariteit in die Nuus

http://www.netwerk24.com/search?search_term=Solidariteit

Solidariteit kla EFF aan oor beelde

http://www.netwerk24.com/nuus/2015-04-12-solidariteit-kla-eff-aan-oor-beelde

Deur Sonja Carstens Sondag 12 April 2015 05:20

"> Dr. Dirk Hermann, bestuurshoof van Solidariteit. Foto: Wikus de Wet

Die Solidariteit Beweging het Vrydagaand hofstukke op die EFF beteken in die eerste stap om die vandalisering van standbeelde met ’n hofbevel te probeer stuit.

Die EFF het nog nie aangedui of hy die aansoek gaan teenstaan nie, maar EFF-lede het verantwoordelikheid aanvaar vir die skending van Marthinus Wessel Pretorius se standbeeld voor die Pretoriase stadsaal gistermiddag.

Dirk Hermann, bestuurshoof van Solidariteit, sê die skending van standbeelde het begin ná ’n beroep van die EFF-leier Julius Malema verlede maand dat genl. Louis Botha se standbeeld voor die parlement in Kaapstad verwyder moet word.

Ander prominente EFF-leiers het sedertdien Malema se boodskap herhaal en talle standbeelde is intussen met verf besmeer of geskend.

 

“Dit is ’n duidelike minagting van die demokrasie, die regsorde en die idee van ’n grondwetlike staat.

“Die EFF versinnebeeld die wanorde wat dié party voorstaan. Dit kan nie geduld word nie,” sê Hermann.

Solidariteit wil die hof vra om die aansoek so gou as moontlik aan te hoor.

Luidens Hermann se eedsverklaring is dit een van sy beweging se doelwitte om ’n toekoms te skep waarin die Afrikaner sy taal en kultuur vryelik, veilig en voorspoedig kan uitleef.

Die Solidariteit Beweging verteenwoordig meer as 300 000 lede van Solidariteit, AfriForum, Solidariteit Helpende Hand en die FAK.

Hermann sê die EFF se optrede het rassespanning en polarisasie van die land laat vererger.

“Dit is strydig met die gees van die Grondwet en is uiters skadelik vir die doelwitte daarvan.

“Elke generasie het ’n morele plig om as trustee op te tree vir die nasionale erfenis van die generasies wat nog moet kom, en die staat het ’n plig om nasionale hulpbronne te bestuur in belang van alle Suid-Afrikaners,” sê Hermann.

“Erfenishulpbronne lewer ’n betekenisvolle bydrae tot navorsing, onderrig en toerisme en hulle moet ontwikkel en uitgebeeld word op so ’n wyse dat dit waardigheid en respek vir kulturele waardes uitbeeld.”

Solidariteit Beweging stel tienpunt- aksieplan vir erfenisbewaring bekend

10 April 2015

 

 

 

Die Solidariteit Beweging het vandag ’n tienpuntplan bekendgestel om die oplaaiende krisis oor die vandalisering van Afrikanerstandbeelde en -monumente te hanteer. Die plan behels kort-, medium- en langtermynaksies en gaan oor die volgende paar weke verder verfyn word.

 

Flip Buys, voorsitter van die Solidariteit Beweging, sê dat die aksieplan noodsaaklik geword het in die lig van die landswye voorvalle van beskadiging van Afrikaner-erfenisse wat die afgelope twee weke voorgekom het.

 

Buys sê die Beweging se plan staan op twee bene, naamlik om druk op die Staat te plaas om hulle verantwoordelikheid met betrekking tot Erfenisbewaring na te kom, en tweedens om die Afrikanergemeenskap te mobiliseer om verantwoordelikheid vir hulle eie erfenisse te neem.

Sό lyk die aksieplan vir die beskerming van Afrikaner-erfenisse:

 

1.    Steun die Erfenisstigting deur R100 000 te skenk

Die Beweging steun die Erfenisstigting se projekte om Afrikaner-erfenisse te bewaar en skenk as ’n eerste stap ’n honderdduisend rand wat die stigting kan aanwend vir herstelwerk aan beskadigde monumente. Solidariteit, AfriForum en die Helpende Hand is lede van die Erfenisstigting en gaan alles in ons vermoë doen om die Erfenisstigting onder leiding van Sonja Lombard te help om die stigting se uitvoerende vermoë uit te bou in die lig van die groeiende werksaamhede. Daarmee saam ondersteun ons ook ander bewaringsorganisasies se projekte om erfenisse in stand te hou en te bewaar.

 

2.    Dring aan op polisiebeskerming vir standbeelde

Ons het reeds die Suid-Afrikaanse Polisiediens (SAPD) gevra om die beskerming van standbeelde op te skerp en om sterk teen oortreders op te tree. Dit sal voorkom dat wetteloosheid uitbrei en sal verseker dat almal binne die raamwerk van die wet optree. Ons het die Erfenisstigting ook gevra om die departement van kuns en kultuur te kontak om toe te sien dat die departement sy verantwoordelikhede nakom.

 

3.    Hofaksie

Die Solidariteit Beweging gaan die hooggeregshof dringend nader om die EFF te verbied om EFF-lede aan te hits om misdaad te pleeg deur standbeelde te beskadig. Die aanhitsing om ’n misdaad te pleeg is op sigself ’n kriminele oortreding en is boonop roekeloos onverantwoordelik in hierdie gespanne tyd. Indien nodig, sal AfriForum weer sterk optree soos wat hy in die verlede gedoen het toe konsentrasiekampterreine in Winburg en Mafikeng verwaarloos en geskend is. 

 

4.    Beplanningsberaad deur FAK en Erfenisstigting

Buys het die FAK gevra om ’n dringende beraad oor erfenisbewaring te reël sodat beplanning oor die hantering van die krisis en die toekomstige bewaring van standbeelde en monumente gedoen kan word. Dit sal in oorleg met die Erfenisstigting gedoen word en sal deel vorm van die stigting se eie beplande gesprekke met alle belanghebbendes oor die hantering van die krisis.

 

5.    Fondswerwing

Instandhouding van standbeelde en monumente het die afgelope paar jaar toenemend ’n probleem geword. Die probleem kan toegeskryf word aan verwaarlosing deur die owerhede en die koste verbonde aan onderhoud. Hoewel dit uiters jammer is dat die krisis ontstaan het, kan die huidige bewustheid tog die geleentheid skep om die publiek bewus te maak van die behoefte wat ontstaan het om monumente en erfenisse te onderhou en om lede van die publiek te vra om geldelik by te dra tot die herstel, onderhoud en bewaring van ons erfenisse. Mense wat ’n bydrae wil maak, kan hul name en die woord “skenk” na 42315 SMS, waarna hulle deur AfriForum gekontak sal word. Die fondse wat op dié manier ingewin word, sal direk aan die Erfenisstigting oorbetaal word vir die herstel en onderhoud van monumente. AfriForum het ook aangebied om die Erfenisstigting by te staan met fondsinsamelingsaksies.

 

6.    Openbare bewusmaking en steunwerwing

Dit is nodig dat ’n openbare veldtog geloods moet word om mense bewus te maak van die belangrikheid van die bewaring van ons erfenisse. Steun moet ook gewerf word vir die talle projekte wat reeds landswyd onderneem word. Ons benadering is om in ’n gees van wedersydse erkenning en respek onsself te beywer vir erfenisbewaring. Terselfdertyd stel ons dit duidelik dat die eensydige verskuiwing of verwydering van ons kultuurerfenisse nie aanvaarbaar is nie en sterk teengestaan sal word.

 

7.    Betrokkenheid

Ons gaan die Beweging se sowat 300 000 lede (dit wil sê lede van Solidariteit, AfriForum en die Helpende Hand) vra om aktief te help om erfenisprojekte landswyd en met raad en daad te ondersteun. Hierdie ondersteuning kan begin deur besoek te bring aan die naaste museums, standbeelde en monumente en om hulp aan te bied waar dit benodig word. Die gemeenskap verkeer soms onder die wanindruk dat die staat hierdie erfenisse bewaar, wat nie die geval is nie en die enigste oplossing is om self verantwoordelikheid daarvoor te aanvaar. AfriForum ondersteun byvoorbeeld reeds geldelik die instandhouding van bepaalde konsentrasiekampterreine en monumente soos byvoorbeeld die Vegkop-terrein naby Heilbron.

 

8.    Geskiedenisbevordering

Dit het die afgelope ruk duidelik geword dat groot onkunde oor die geskiedenis heers. Daarom beplan die Beweging verskeie projekte om meer kennis oor die geskiedenis te versprei. Ons mag nie toelaat dat die Afrikaner se geskiedenis gekriminaliseer word nie en dit is nodig om die verlede in perspektief te stel. Ons moet ook die ANC se poging teenstaan om hul weergawe die amptelike weergawe van die verlede te maak. Die FAK gaan gevra word om spesiale verantwoordelikheid te neem om geskiedeniskennis onder skoolkinders te bevorder, terwyl Kraal Uitgewers se geskiedenispublikasies ook spesiale aandag gaan geniet.

 

9.    Gesprekke met die regering

Die Beweging wil met die regering praat oor die bewaring van erfenisse volgens wetlike riglyne, en sal daarop aandring dat die staat sy bewaringsverantwoordelikhede teenoor ons as belastingbetalers nakom. Verder sal ons graag deelneem aan die minister van kuns en kultuur se beoogde beraad op voorwaarde dat dit ruimte vir almal se standpunte sal bied en dat dit nie net ’n forum sal wees vir verdere aanvalle op die Afrikaner en ons geskiedenis nie. Ons benadering by so ’n beraad sal weereens wees om wedersydse erkenning en respek te bevorder.

 

10.  Langtermynoplossings

Dit is duidelik dat langtermynoplossings gevind sal moet word vir die volhoubare bewaring van veral Afrikaner-erfenisse. Terwyl ons daarop aandring dat die betrokke owerhede hul wetlike plig moet nakom om monumente te beskerm en in stand te hou, sal Afrikaners self groter verantwoordelikheid daarvoor moet aanvaar. Daar is baie monumente wat nie deur die staat ondersteun word nie en wat nou al vir jare verwaarloos word. Die uitdaging wat die ligging van sommige standbeelde en monumente bied, verg spesiale aandag en blywende oplossings sal daarvoor gevind moet word. Die Erfenisstigting as die Beweging se bewaringsvennoot en plaaslike bewaringsorganisasies sal hieroor geraadpleeg word.

 

Flip Buys

Voorsitter: Solidariteit Beweging

 

 

DKD kry pak in arbeidsappèlhof in Solidariteit se regstellendeaksiesaak

10 April 2015

 

 

 

Die arbeidsappèlhof in Kaapstad het vandag beslis dat die departement van korrektiewe dienste (DKD) nie net die nasionale rassedemografie in die Wes-Kaap mag toepas nie. Die uitspraak is gelewer nadat Solidariteit die DKD namens tien werknemers hof toe geneem het omdat hy net die nasionale rassedemografie wou toepas.

 

“Hierdie uitspraak is ʼn groot oorwinning vir Solidariteit en ʼn groot terugslag vir die staat se beleid om die nasionale rassedemografie oral in Suid-Afrika toe te pas,” het Dirk Hermann, bestuurshoof van Solidariteit gesê.

 

Volgens die uitspraak word die vroeëre arbeidshofuitspraak van regter Hillary Rabkin-Naicker gehandhaaf. “Alhoewel ons die beginsel gewen het, het die hof steeds nie individuele regsremedie aan die applikante toegeken nie. Solidariteit beplan om hierdie element namens die applikante in die konstitusionele hof te toets,” het Hermann gesê.

 

Dirk Hermann

Bestuurshoof: Solidariteit

 

 

Johan Kruger

Adjunkhoof: Solidariteit

 

 

 

Taaiste onderhandelinge nόg lê vanjaar by Kamer van Mynwese voor – Solidariteit

10 April 2015

 

 

Vakbond sê behoud van vaardige werknemers is sy eerste prioriteit

 

Die vakbond Solidariteit het vandag gesê vanjaar se loononderhandelinge by die Kamer van Mynwese gaan die moeilikste nόg wees. Die vakbond meen verskeie faktore, waaronder die onstuimige arbeidsverhoudinge-omgewing, lae goud- en steenkoolprys en onbetroubare kragvoorsiening dra ondermeer hiertoe by. Nietemin wil Solidariteit vanjaar toesien dat sy lede vir myne in Suid-Afrika behou word en vir hul vaardighede vergoed word; dus het die vakbond vandeesweek sy eis van ’n 12%-verhoging by die Kamer ingedien.

 

Solidariteit eis vanjaar ook dat werknemers se aftree-ouderdom van 60 na 63, en in sommige gevalle 65, verhoog word om sodoende die behoud van kritieke vaardighede in die bedryf te bevorder. Dit is veral belangrik as die toenemende meganisering en outomatisering, waar dié vaardighede van deurslaggewende belang sal wees, in ag geneem word. Die steenkool- en goudsektoronderhandelinge sal teen einde Mei 2015 by die Kamer van Mynwese ʼn aanvang neem.

 

Volgens Gideon du Plessis, hoofsekretaris van Solidariteit, sal die vakbond tydens vanjaar se onderhandelinge ’n beroep op al die partye doen om ’n balans tussen die behoeftes en waarde van werknemers aan die een kant, en die voortbestaan van die mynbedryf aan die ander kant, te behou. “Die omstandighede rondom die Suid-Afrikaanse mynbedryf is weens verskeie redes uiters plofbaar. Ons doen derhalwe ’n beroep op die onderhandelaars om dit nie tydens vanjaar se onderhandelinge vir eie gewin uit te buit nie. Ons is by ʼn kruispad en dit is in almal, en veral in die bedryf, se belang dat vanjaar se onderhandelinge vreedsaam en opbouend van aard moet wees,” sê Du Plessis.

 

Du Plessis meen die impak wat die Marikana-insident op arbeidsverhoudinge gehad het, waar lede nou onrealistiese hoë verwagtinge het en geweld en intimidasie hoogty vier,  sal vanjaar se loononderhandelinge steeds beïnvloed, terwyl ander faktore soos Amcu se ongelukkigheid  oor die  vorige onderhandelinge in 2013 en normale vakbondwedywering die spanning tydens die onderhandelinge verder sal verhoog. “Daarby is die  frustrasievlakke van mynbouwerknemers in die algemeen die hoogste wat dit in ’n lang tyd was,” sê Du Plessis.

 

Du Plessis meen ’n verdere faktor wat vanjaar se onderhandelings sal bemoeilik, is die sterk moontlikheid dat die Kamer sy salarisaanbod aan produktiwiteit sal koppel. “Solidariteit is in beginsel nie teen die moontlikheid gekant nie, solank dit ʼn moratorium op afleggings insluit. Ons meen egter die beginsel moes lankal reeds buite die formele onderhandelingsproses aandag geniet het aangesien die meeste werknemers die beweerde voordele van so ʼn voorstel wantrou,” sê Du Plessis.

 

Solidariteit het Bheki Sibiya, voormalige bestuurshoof van die Kamer wat onlangs op vervroegde pensioen gegaan het, bedank vir die wyse waarop hy gedurende sy termyn ‘n groot bydrae gelewer het om verhoudinge tussen al die mynbourolspelers te verstewig. Die vakbond het die nuwe bestuurshoof, Roger Baxter, ook gelukgewens met sy aanstelling. “Roger geniet hoë agting vir sy grondige kennis en verbintenis tot die mynbousektor. Daarby is hy bereid om op ‘n professionele wyse sensitiewe sake prontuit aan te pak,” het Du Plessis bygevoeg.  

 

Gideon du Plessis

Hoofsektretaris: Solidariteit

 

 

Solidariteit eis optrede teen vermeende rassistiese dosent by UJ

9 April 2015

 

 

 

Die vakbond Solidariteit het vandag in ’n skrywe aan die bestuur van die Universiteit van Johannesburg (UJ) aangedring dat daar dissiplinêr opgetree word teen een van die universiteit se dosente wat na bewering rassistiese aanmerkings teenoor wit mense op sosiale media gemaak het.

 

Die dosent, wat klasse in Vervoer- en produksielynbestuur by die universiteit aanbied, het na bewering, na aanleiding van die debat oor die Universiteit van Kaapstad se verwydering van die Cecil John Rhodes-standbeeld, op Twitter wit mense gevloek en uitgevaar teen wit mense wat die beskadiging van die standbeeld gekritiseer het.

 

“Dit is kommerwekkend dat ’n persoon in haar posisie en wat boonop die jeug van vandag oplei om eendag in die werkplek te funksioneer, sulke rassistiese optrede openbaar. Iemand van haar statuur behoort van beter te weet as om rasseverdeeldheid en -konflik aan te blaas,” sê Johan Botha, hoof van Solidariteit se Professionele Bedryf.

 

“Solidariteit sal die UJ se optrede hieroor fyn dophou aangesien die universiteit ’n streng beleid rakende rassistiese optrede handhaaf,” volgens Botha.

 

Die dosent se inskrywings op Twitter is op aanvraag beskikbaar.

 

Johan Botha

Bedryfshoof: Solidariteit

 

 

Solidariteit Beweging sal dringend hof toe om EFF-aanhitsing te staak

9 April 2015

 

 

 

Solidariteit het laat gistermiddag ’n aanmaningskrywe aan die Economic Freedom Fighters (EFF) gerig waarin die Solidariteit Beweging eis dat dié party voor 15:00 vandag onderneem om enige aanhitsing om standbeelde te vernietig of te beskadig, onmiddellik te staak.

 

Indien die EFF nie hierdie onderneming gee nie, sal die Solidariteit Beweging die hof dringend nader om ’n interdik te bekom.

 

Flip Buys, voorsitter van die Solidariteit Beweging, sê die aanhitsing om ’n misdaad te pleeg, is opsigself ’n kriminele oortreding. “Die EFF-leierskap se aanhitsing om standbeelde te af te breek, is ’n misdaad en onverantwoordelik. Die Solidariteit Beweging roep die EFF tot orde en sal toesien dat verdere aanhitsing verbied word, selfs al sou dit beteken dat ons dringende regsaksie moet neem,” sê Buys.

 

Buys het verder bevestig dat die Solidariteit Beweging ’n opbouende debat oor die geskiedenis van die Afrikaner en die beeldekwessie sal verwelkom. “Ons is verbind tot die bewys van wedersydse respek en erkenning en verwag dieselfde van alle groepe in Suid-Afrika,” aldus Buys.

 

Die vakbond Solidariteit, AfriForum en Solidariteit Helpende Hand is deel van Die Solidariteit Beweging en verteenwoordig altesaam nagenoeg 300 000 Suid-Afrikaners.

Die aanmaningskrywe aan die EFF is aangeheg.

 

Flip Buys

Voorsitter: Solidariteit Beweging

 

 

Solidariteit gaan appelleer teen uitspraak oor bevorderings in SAPD

9 April 2015

 

 

 

Solidariteit gaan appelleer teen die arbeidshof se uitspraak oor die Suid-Afrikaanse Polisiediens (SAPD) se toepassing van regstellende aksie tydens aanstellings en bevorderings op die vlak van luitenant, kaptein en majoor. Dit volg nadat die arbeidshof verlede week in die SAPD se guns beslis het in dié omstrede saak wat Solidariteit namens drie SAPD-lede voer.

 

“Die nuutste hofuitspraak is teleurstellend en beklemtoon die behoefte aan leiding deur die konstitusionele hof oor die kwessie. Ons glo die arbeidsappèlhof of uiteindelik die konstitusionele hof sal ʼn ander bevinding uitbring. Ons is net spyt dat die regter se uitspraak meebring dat die beregting van die saak weer uitgestel word,” het Dirk Groenewald, hoof van Solidariteit se Sentrum vir Billike Arbeidspraktyke gesê.

 

Ingevolge die uitspraak is die bevorderings en aanstellings van polisielede in die genoemde range nie op grond van ’n kwotastelsel gemaak nie. Die hof het nietemin bevind dat die SAPD nie anders kon as om die rasseteikens, soos uiteengesit in sy diensbillikheidsplan, na te volg nie.

 

Die vakbond het intussen gister in ʼn skrywe die SAPD vermaan dat hulle nie met aanstellings ingevolge ʼn ooreenkoms met die bedingingsraad vir die veiligheid- en sekuriteitsektor mag voortgaan nie, hangende die uitspraak van nóg ʼn hofsaak teen die polisie oor hulle regstellendeaksieplan. Solidariteit het die SAPD ook daarop gewys dat die hofinterdik van 28 Februarie 2013 oor hierdie saak steeds van krag is.

 

“Indien die SAPD intussen met aanstellings voortgaan, sal Solidariteit, benewens die appèlproses, ook ʼn regsaksie in die vorm van ʼn minagtingsbevel teen die SAPD instel. Ons glo dat die kern van die SAPD se regstellendeaksieplan verkeerd is en meen ’n hoër hof moet die geleentheid gegun word om hieroor uitsluitsel te gee. Daar is ook nog nie duidelikheid oor die regmatigheid van die gebruik van ’n kwotastelsel wat op die nasionale rassedemografie gebaseer is nie en ons wil deur middel van voortgesette hofaksie hieroor uitsluitsel kry,” het Groenewald gesê.

 

“Indien verlede week se uitspraak in ʼn hoër hof bekragtig word, sal werkgewers onbuigsaam met numeriese doelwitte mag omgaan. Dit sal meebring dat ras bo faktore soos kundigheid en ondervinding tydens aanstellings en bevorderings gestel word,” volgens Groenewald.

 

Solidariteit voer die hofsaak namens Johannes van der Walt, Monty Stone en Natascha le Roux.

 

Meer oor die hofsaak:

 

  1. 1.            Johannes van der Walt is ʼn wit werknemer met 30 jaar diens en hy beklee tans die rang van kaptein. Hy is nie vir bevordering tot majoor oorweeg nie. Van der Walt het in Augustus 2011 ʼn grief in dié verband ingedien. In September 2011 is hy meegedeel dat die mees senior lede, beperk tot die aantal poste per elke rasgroep, vir bevordering oorweeg moet word en dat nie al die lede wat aan die minimum bevorderingskriteria voldoen, bevorder kan word nie. Die saak is na die Kommissie vir Versoening, Bemiddeling en Arbitrasie (KVBA) en later na die arbeidshof verwys.

 

  1. 2.            Monty Stone is ʼn wit werknemer met 31 jaar diens en hy beklee tans die rang van kaptein. Stone het in Junie 2011 ʼn dokument ontvang met die name van 62 kandidate wat in Gauteng tot majoor bevorder is. Sy naam was egter nie op die lys nie. Hy het dieselfde dag ʼn grief ingedien. In Julie 2011 is Stone ook meegedeel dat nie al die lede wat aan die minimum kriteria voldoen, bevorder kan word nie. Die saak is na die KVBA en later na die arbeidshof verwys.

 

  1. 3.            Natascha le Roux is ʼn wit werknemer met 24 jaar diens en sy beklee tans die rang van adjudant-offisier. Le Roux het reeds in verskeie senior poste waargeneem, waaronder afdelingsbevelvoerder by georganiseerde misdaad in Oos-Londen. Dié pos is vir ʼn kaptein. Le Roux het in Januarie 2012 ʼn grief ingedien nadat dit onder haar aandag gekom het dat verskeie van haar kollegas, meesal haar junior, bevorder is. In Februarie is sy ook meegedeel dat nie al die lede wat aan die minimum kriteria voldoen, bevorder kan word nie. Die KVBA het die saak na die arbeidshof verwys.

 

Lynne Brown or Eskom is dishonest regarding Eskom’s racial targets – Solidarity

8 April 2015

 

 

 

Either Public Enterprises Minister Lynn Brown or Eskom is dishonest about Eskom’s objectives regarding racial numbers for its staff. This is according to the trade union Solidarity after Brown yesterday, at a KKNK discussion, denied that Eskom wanted to get rid of more than 3 000 white staff members within the next five years.

 

According to reports, Brown said that Eskom should actually transform but that it was not going to happen. She is of the opinion that Eskom in actual fact currently needs the expertise and that it was not debatable.

 

Piet le Roux, head of the Solidarity Research Institute, said, however, that Eskom maintained to Solidarity that white employees would be disproportionately reduced in accordance with the five year target.

 

“We have Eskom’s racial plan on paper in front of us. In the first year of Eskom’s racial plan, the company plans to reduce its white employees by 1 080, a 14% decrease in the number of white employees compared with a planned 4,8% decrease in the number of employees of other racial groups. It seems that Eskom harbours similar plans for the following four years and that thousands of white employees will eventually be gone after five years,” Le Roux said.

 

Le Roux said up to now, Eskom has given no indication that the company would abandon its racial targets. “In reaction to a recent letter from Solidarity, Eskom once again confirmed that it considered the strict implementation of racial transformation to be non-negotiable, and that the company, upon instruction of Labour Director General Thobile Lamati, awarded race the highest priority in its appointment targets,” Le Roux said.

 

Solidarity was to meet with Eskom again today regarding its racial plan.

 

Piet le Roux

Head: Solidarity Research Institute